నందమూరి  కళ్యాన్ రాం అనేక కమర్షియల్  సినిమాలు చేసి బాక్స్ ఆఫీస్
వద్ద బోల్త పడ్డ కూడా  సినిమాలు తీయడంలో  ఏమాత్రం వెనకడుగు వేయడం లేదు.
ఏకంగా త్రీ డి సినిమా తీయాలని మొదలు పెట్టారు. కొంత భాగం షూటింగ్ కూడా
చేశారు. కాని కొన్ని సాంకేతిక పరమైన ఇబ్బందులు ఎదురుకావడం తో త్రీ డి
సినిమాను కాస్త టూ డి గా మార్చారు. మరి ఈ టూ డి సినిమా ఎలా ఉంటుందో వేచి చూద్దాం.

గమ్యం హీరోలు అల్లరి నరేష్, శర్వానంద్ మరో సారి కలసి నటిస్తున్నారు. వీరి
పక్కన హీరోయిన్గా శ్రీయ నటిస్తోంది. క్రిష్ దర్శకత్వం లో వీరిద్దరూ
గమ్యం సినిమా కలసి నటించారు. గమ్యం సినిమా మాత్రం సూపర్ హిట్ అయింది.
కాని ఈ సినిమా ఏమవుతుందో వేచి చూడాల్సిందే. నరేష్ మాత్రం ఈ సినిమా
గమ్యం కంటే పెద్ద హిట్ అవుతుందనే నమ్మకం ఉందని అభిప్రాయ పడుతున్నట్టు
తెలుస్తోంది.

తనది ఇంకా హీరోయిన్ వయసే కాని వదిన వయసు కాదని అంటోంది హీరోయిన్ త్రిష.
వెంకటేష్ పక్కన ఇటీవలే బాడి గార్డ్ సినిమా  ను చేసిన త్రిషా తిరిగి
సీతమ్మ వాకిట్లో సిరి మల్లె చెట్టు సినిమాలో మల్లి వెంకి పక్కన నటించమని
అడిగారు. కాని త్రిష సున్నితంగా తిరస్కరించింది. కారణం వెంకటేష్ పక్కన
నటించేందుకు ఎలాంటి అభ్యంతరం లేకపోయినా ఇదే సినిమాలో నటిస్తున్న మహేష్
బాబు కు వదిన గా నటించడం త్రిష కు ఇష్టం లేదు. అంతే కాదు వదిన, అత్తా
వంటి పాత్రలు చేసే వయసు కూడా తనది కాదని తన శ్రేయోభిలాషుల వద్ద
చెప్పినట్లు సమాచారం.

రవితేజ, సునీల్ ఇద్దరూ మంచి స్నేహితులు. కాని ఈ శివరాత్రి కి ఇద్దరూ
థియేటర్ లో పోటి పడ్డారు. గుణ శేఖర్  దర్శకత్వం లో వై వి ఎస్ చౌదరి
నిర్మించిన నిప్పు సినిమా శుక్రవారం విడుదల కాగా, సునీల్ నటించిన
పూలరంగడు సినిమా శనివారం విడుదల అయింది. నిప్పు సినిమా రవితేజ రెగ్యులర్
సినిమా లాగే ఉందని ఈ సినిమా చుసిన జనం అభిప్రాయ పడుతున్నారు. అయితే
సునీల్ పూలరంగడు సినిమాలో సిక్స్ ప్యాక్ చేశాడు. కామెడి ప్రధానంగా
నిర్మించిన ఈ సినిమా లో ఫైట్ కూడా ఉంది. మరి సునీల్ ప్రయత్నం ఎంతవరకు
సక్సెస్ అవుతుందో వేచి చూడాలి.

పూరి జగన్నాథ్, రవితేజ కలసి చేస్తున్న అయిదవ సినిమా దేవుడు చేసిన మనుషులు
షూటింగ్ ప్రారంభమైంది. రిలయన్స్ ఎంటర్తైన్మెంట్ సమర్పణలో శ్రీ
వెంకటేశ్వరా సిని చిత్ర బ్యానర్ పై నిర్మిస్తున్న ఈ సినిమా  రవితేజ
దేవుడి పటాల కు నమస్కారం చేయడాని ముహూర్తం  షాట్ గా చిత్రీకరించారు.
వి.వి.వినాయక క్లాప్ కొట్టగా  సహా నిర్మాత భోగవల్లి బాపీ నీడు  కెమరా
స్విచ్ ఆన్ చేశారు. దేవుడున్నాడని మనస్పూర్తిగా నమ్మి ఈ సినిమా చూడండి
అనే కార్డ్ తో సినిమా ప్రారంభ మవుతుందని పూరి జగన్నాథ్ చెప్పారు. మార్చ్
రెండు నుంచి రెగ్యులర్ షూటింగ్ జరుగుతుంది. జూన్ లో విడుదల చేయడానికి
సన్నాహాలు చేస్తున్నారు. ఇలియానా హీరోయిన్గా నటిస్తున్న ఈ సినిమా కు రఘు
కుంచె సంగీతం అందిస్తున్నారు.

ఎన్ టి ఆర్ హీరోగా నటిస్తున్న దమ్ము సినిమా శరవేఘంగా షూటింగ్
జరుపుకుంటోంది. ప్రస్తుతం పొల్లాచ్చి లో షూటింగ్ జరుపుకుంటున్న ఈ
సినిమాను ఏప్రిల్ పదమూడో తేదిన విడుదల చేయడానికి ప్రయత్నాలు
చేస్తున్నారు.పోల్లాచ్చిలో కొన్ని కీలక సన్నివేశాలతో పాటు పాటలను
చిత్రీకరిస్తారు. ఇరవై రెండు వరకు పోల్లాచ్చిలో షూటింగ్ చేసిన తరువాత
హైదరాబాద్ కు వచ్చి చేసే షూటింగ్ తో చిత్ర నిర్మాణం  పూర్తవుతుంది.
బోయపాటి శ్రీను దర్శకత్వం వహిస్తున్న  ఈ సినిమాలో ఎన్ టి ఆర్ సరసన త్రిష,
కార్తికా హీరోయిన్లుగా నటిస్తున్నారు.

ప్రముఖ దర్శకుడు కృష్ణ వంశీ ని ఓ దర్శకుడు భారిగా మోసం చేశాడు. ఇంతకీ ఆ
దర్శకుడు ఎవరు? ఎందుకు కృష్ణ వంశీ ని మోసం చేశాడు. నాగార్జున తో
కృష్ణవంశి తీసిన నిన్నే పెళ్ళాడుతా సినిమా తెలుగు తేర పై ఎంతటి ఘన విజయం
సాధించిందో తెలిసిందే. అందులోని ఎటో వెళ్లి పోయింది మనసు అనే పాట  గురించి
తెలియని సంగీత ప్రియుడు ఉండడు. ఇప్పుడు ఇక్కడే మోసం జరిగింది. నాని,
నిత్యామీనన్ తో గౌతమ మీనన్ తీసిన సినిమా కు ఎటో వెళ్ళిపోయింది మనసు అనే
టైటిల్ నిర్ణ యించారు.అంటే కృష్ణ వంశీ ని అడగకుండా ఆయన పాటలోని పల్లవిని
తీసుకుని తన సినిమాకు టైటిల్ గా పెట్టడం మోసం చేసినట్టే అవుతుంది కదా , కాని ఈ
ఆలోచన మన తెలుగు దర్శకులకు రాకపోవడం విచారించదగ్గ విషయమే.

ఫ్యాక్షనిస్ట్ నాయకుడిగా, లారి డ్రైవర్ గా, పోలిస్ అధికారిగా ఇలా రకరకాల
పాత్రలు పోషించిన నందమూరి బాలకృష్ణ తొలి సారిగా జర్నలిస్ట్ పాత్రను
పోషిస్తున్నారు. ఎల్లో ఫ్లవర్స్ బ్యానర్ పై రవి చావాలి దర్శకత్వం లో
నిర్మిస్తున్న శ్రీ మన్నారాయణ సినిమా లో బాలయ్య జర్నలిస్ట్ గా
నటిస్తున్నారు. ఈ సినిమా పేరును కూడా శ్రీ మన్నారాయణ గా నిర్ణయించారు.
బాలకృష్ణ సరసన  ఈ సినిమా లో పార్వతి మెల్టన్, ఇషాచావ్ల నటిస్తున్నారు.
రెగ్యులర్ షూటింగ్ ప్రస్తుతం ఫిలిం నగర్ లో జరుగుతోంది. దాదాపుగా ఎనభై
అయిదు రోజుల్లో షూటింగ్ పూర్తి చేయడానికి ప్రయత్నాలు చేస్తున్నారు. సింహ
తరువాత చక్రి బాలకృష్ణ కు రెండో సారి సంగీతం అందిస్తున్నారు. రమేష్
పుప్పాల ఈ సినిమాను నిర్మిస్తున్నారు.